وصلنا لمكان الامور مش ممكن تكمل زي ما هية علية
بصيير نصحا شوي ونبطل نضحك على حالنا وعلى الناس البسيطين اللى بدهم يعيشو بصير نوقف دقيقة مع حالنا ونتطلع شو اللى بنعملو مش بس بحالنا و بالناس اللى حوالينا معقول اللى بصير هو مكتوب علينا انو معظم الاشياء اللى بنعملها نعملها غلط ؟؟ما يخطر ببالكو ان النظرة اللى بتطلع فيها على الاشياء تشاؤمية بس احنا دايما ازا بنحكي بواقع بصير الواحد متشائم لازم دايما يضل يحكي بمثاليات علشان الكل يكون راضي وعلشان يبين للكل انو متحضر وذو افق.......... وكذاب .....الخ لازم دايما يحكي عن الاشياء كيف لازم تكون مش كيف الاشياء هلأ يا جماعة لازم نستوعب اشي , مش من الضروري انو نمر بنفس التجارب والاحداث اللى صارت باروبا والدول المتقدمة علشان نتقدم ومش بالضرورة انو نستورد كل اشي الو علاقة بتنمية المجتمعات المحلية علشان نمي مجتمعنا ممكن نستفيد كثير من افكارهم بس كل مجتمع الو خصوصيتو كل مجتمع الو ظروفة لازم نعرف شو ظروفنا علشان نقدر نشتغل , نقدر نعمل فرق , نقدر نمي بس المشكلة عنا العمل الاجتماعي اصبح موضة , كثير ناس من اللى بشتغلو ما بعرفو اشي عن المجتمع الاردني سواء المدني او التقليدي بس بشتغلو علشان العلاقات العامة , و الوضع الاجتماعي , ...... وكثير اسباب رح اذكرها مرة اخرى الكل عارف التخبط والتخبيص اللى عم بصير باوساط التنمية , واسمحولي اسميها هيك الحرب اللى صايرة بين المؤسسات على المشاريع اللى بتشتغل مع العراقيين والتنافس على المواطنيين العراقيين للمشاركة في المشاريع بتقدرو تحكو ليش ؟؟؟؟ المشاريع والبرامج اللى بكون الهدف الاساسي من عملها انها تتوثق ( تمثيل ) يعني عم بنضحك على الممول علشان يدفع لمشروع تاني او يكمل دعم المشروع المشاريع اللى بنخترعلها حاجة بالاردن علشان واللة في تمويل منيح للمؤسسة الكذب والتلفيق بالتقارير والصور و الاسماء و لافلام التوثيقية )ما بدي اطول ورح ادخل بالموضوع اللى عنجد استفزني ( المبادرات الشبابية ) او كيف ما حبيت تسميها سميها كثير اسف على هالمقدمة بس حسيت انو لازم اكتبها المبادرات في الاردن اصبحت موضة وبطل حدا من الشباب يفكر يبادر الا اذا اخذ تدريب و كان تحت مؤسسة و المؤسف انو معضم المؤسسات صارت تشتغل على الموضوع يعني جهد التنمية بالاردن صار كمان ضد الشباب ( انا مش ضد المبادرات بس تنعمل صح ) ما بكفي للشباب الاردني احباط من النظام التلقيني التعليمي ومن كل شي حوالية كمان عم بنعلمة بالمبادرات انو يفكر على قدو , انو ما يفكر الا بالاشياء اللى بقدر يعملها مش فاهم من اجانا هالمفهوم ؟؟؟؟؟؟كيف يعني ما يفكر الا بالاشياء اللي بقدر يعملها ؟؟؟ بصير حدا يشرح أي حدا بقدر يبادر ويعمل أي اشي بدون أي مؤسسة او أي دعم وبقدر يعمل أي اشي بدو ياة و التغيير اللي بدو ياة بس اذا ضلت هاي الفكرة تتروج بين المؤسسات اللى بتدعم المبادرات او غيرها , مش رح يصير تغيير بالمجتمع راجعو الاوراق وفكرو بالمجتمع بكفي هدر للاموال والجهد احنا عم نرجع للوراء مش عم نتقدم انت الي بتشتغل ب هالمؤسسة اسأل حالك ليش بتشتغل ؟ فكر منيح بالجواب .....وانتي الي بتنمي البلد او بتشتغلي بالتنمية : كم قرية بتعرفي ؟ كم بؤرة فقر وجهل ؟ كم مكان مهمش ؟ كم مخيم ؟ برضو كمان فكري بالجواب يا جماعة كم سنة صارلنا بنشتغل على الصحة بالاردن ؟ الاوضاع عم تسؤء , امراض عم بتزيد ...الخ كم سنة صارلنا بنشتغل على بناء القدرات والتمكين و المهارات وتحسين الدخل ...الخ قارنو الوضع زمان ب هلأ كمان الوضاع عم بتسؤء كم سنة صارلنا بنشتعل على التنمية السياسية ؟ قارنو الوضع قبل 40 سنة و هلأ كم سنة صارلنا بنشتغل على كل شي ؟ وكل شي للأسوأ كيف بدي اقتنع انو عم نشتغل صح انا متأكد انو كل واحد عارف انو الشغل اللى عم بصير بالبلد لو انعمل صح كان صرنا زمان من الدول المتقدمة بس وين المشكلة , معقول بالبرامج ؟ اللى بشتغلوا عليها ؟ الامكانيات ؟ انا ؟ انت ؟ قضاء وقدر ؟ كلة كوم وهاذا السبب كوم .... رح احكي عنو في المرات الجاي بحس احنا صار لازم نسأل حالنا هالسؤال ؟ كثير اسف يا جماعة كتبت بالعامية علشان اكون واقعي اكثر واكثر
7/2/2009احمد
ليست هناك تعليقات:
إرسال تعليق